Illgresi í garðinum

Ekki er það mín meining að líka Guðrúnu Maríu við illgresi en það sem ég átti við að það hefur verið ósætti og það er ekki gott. Vonandi finna þeir sem voru ósáttir frið á öðrum vettvangi þeim sjálfum og öðrum til góðs.

Þegar ég var í sveitinni í gamla daga var það siður að ef að það fannst illgresi á einum stað í garðinum var reynt að uppræta það á öllu svæðinu svo að það smitaði ekki út frá sér. Það sama má segja um í þessu tilfelli. því vonandi er nú lokið því ósætti sem verið hefur í Frjálslynda flokknum. Nú er garðurinn hreinn og hægt er að byrja ræktun upp á nýtt.

Segir skilið við Frjálslynda

Athugasemdir

[Rannveig H, 5.4.2009 kl. 13:33]

Þetta eru ljót ummæli hjá þér og á Guðrún María þau síst skilið, ef einhver hefur unnið þessum flokk vel þá er það hún. Þú átt nú ekki orðið mörg flokkssystkin en ef þau eru sammála þessu þá er mér verulega brugðið.

[Ásgerður Jóna Flosadóttir, 5.4.2009 kl. 14:02]

Garðar geta líka verið svo yfirfullir af illgresi að þau fáu blóm sem þar eru þrífast ekki í slíku umhverfi og koma sér í burtu eitt af öðru.

[Halla Rut , 5.4.2009 kl. 20:15]

Það líkindamál er þú notar hér til að lýsa persónunni Guðrúnu Maríu er þér og þínu flokksfélögum til skammar.  

Allir er þekkja til konunnar vita að þar er á ferðinni góð og ósérhlífin manneskja sem hefur unnið mikið og vel fyrir Frjálslyndaflokkinn í mörg ár.

Ef einhver hugur og manndómur væri í því þráa liði er eftir situr, í þessum blessaða flokk, þá væruð þið að þakka Guðrúnu fyrir samstarfið og vel unnin störf sem öll voru unnin í sjálfboðavinnu. En svo er það nú ekki. Vanvirðingin og dónaskapurinn sem þið sýnið öðru fólki er svo með ólíkindum að hver, er á horfir, hlýtur að þakka almættinu fyrir það að möguleikinn á því að þið komist nokkru sinni til valda er enginn.

[Huld S. Ringsted, 5.4.2009 kl. 22:13]

Þetta eru afskaplega ljót ummæli hjá þér Ólafía og svo sannarlega ekki hvetjandi fyrir fólk að ganga í þennan flokk!

[Hilmar Gunnlaugsson, 5.4.2009 kl. 22:33]

Það er mikið illgresi eftir í Frjálslynda flokknum, rasistar og annar ólýðræðislegur lýður. Ekki skal ég segja hvort Guðrún sé "illgresi" en tel það góða ákvörðun hjá henni að segja skilið við öfgana.

[Kolgrima, 5.4.2009 kl. 22:36]

Þessi skrif eru með ólíkindum og fullkomlega ómakleg í garð Guðrúnar Maríu.

[Hilmar Gunnlaugsson, 5.4.2009 kl. 23:24]

Hvað áttu við Viðar?

[Þóra Guðmundsdóttir, 6.4.2009 kl. 00:29]

Þetta er alveg ótrúlega rætin og ósvífin athugasemd og síðuritara til háborinnar skammar.

Venjulega er það illgresið sem nær yfirhöndinni sé ekkert að gert. Svo er einmitt í tilfelli Frjálslyndaflokksins sem hefur barist hatramlega gegn öllum þeim sem vildu vinna flokknum gagn hér á Suðvesturhorninu.

[Róbert Tómasson, 8.4.2009 kl. 20:27]

Oft er betra að þegja og vera álitinn heimskur, en opna munninn og opinbera það.

Þetta datt mér í hug þegar ég las þennan pistil.  Víst hefur verið skoðana munur innan Frjálslynda flokksins, stundum leysast mál, stundum ekki.  Ásgerður Jóna og Guðrún María töldu muninn einfaldlega of mikinn og ákváðu að segja skilið við Frjálslynda alla vega að sinni og er það miður.

Tvær hörkuduglegar og kröftugar konur sem unnu vel fyrir flokkinn og eiga ekkert nema þakkir skildar fyrir það, að líkja þeim við illgresi er móðgun við þær og höfundi pistilsins til lítils sóma.