Ásgerður Jóna fer offörum í stjórnsemi

Ásgerður Jóna virðist ekki skilja það að hún ræður ekki öllu alstaðar þó svo að Frjálslyndi flokkurinn hafi verið svo óheppinn að kjósa hana sem varaformann en sem betur var hún ekki varaformaður lengi. Betur hefði verið að það hefði aldrei verið gert því að engin skilur hvað hún ætlaði sér að gera. Kjördæmisfélag innan Frjálslynda flokksins fara eftir öllum lögum og reglum sem við eiga hverju sinni  "Ásakanir Ásgerðar um annað eru hreinn uppspuni til þess eins ætlaðar að  skaða Frjálslynda flokkinn." Það og allt annað sem þessi fína frú segir er algjört bull og ég tel að hún viti það manna best sjálf. Hvað býr að baki þessum ásökunum hennar veit enginn og ég efa það að hún viti það sjálf. Vill hún e.t.v. mynda hirð í kringum sig eins og drottningar til forna og gefa skipanir út og suður. Þetta líkist helst stjórn sem tíðkaðist til forna þar sem höfuð voru látinn fjúka þegr nýr konungur eða drottning tóku til valda og höfuðin borin fram á silfurfati.

 Hún vissi að hverju hún gekk þegar hún bauð sig fram sem varaformann Frjálslyndra í Stykkishólmi þann 14.mars. Því var hún þá ekki búin að benda á þetta fyrr ef eitthvað af hennar ásökunum á við rök að styðjast og stuðla að því að eitthvað var gert. Það er stór hópur sterkra einstaklinga í Frjálslynda flokknum sem stendur þétt að baki formannsins og sættir sig ekki við að slíkur áróður sé tekinn gildur. E.t. má eitthvað lagfæra en það að flokkurinn eða kjördæmafélög fari ekki að lögum er eintómt bull og það bull ætti enginn fréttamiðill sem er með réttlætiskennd að birta.

Því er aldrei neitt birt sem er jákvætt, hvorki í fréttum né á prenti. Eins og Svarthöfði sagði í DV í s.viku hafði þessi farsæli skipstjóri siglt fleygi sínu létt á milli skers og báru á sínum sjómannaárum en er alltof góðviljaður til að neita þessu fólki um pláss í sínum flokki.  Hvorki formaðurinn né aðrir í Frjálslynda eiga neitt sameiginlegt með þessu rætna liði sem vilja losa botnlokurnar á fleyinu og stunda skemmdarverk í flokknum. Því miður var þeim tekið opnum örmum sem því miður verður ekki afturtekið en þau ættu að skammast sín og biðja formanninn afsökunar fyrir það að hafa níðst á gestrisni hans og annarra sem trúðu ekki á þessa illmennsku. Því margur heldur mig sig og þú átt ekki að ætla öðrum það sem þú myndir aldrei gera sjálfur og það voru flestir í flokknum sem aldrei hefðu einu sinni látið sig dreyma um slíkt athæfi.

Ásgerður vildi reka fólk

Athugasemdir

[Guðrún María Óskarsdóttir., 30.3.2009 kl. 19:19]

Sæl enn og aftur.

"

E.t. má eitthvað lagfæra en það að flokkurinn eða kjördæmafélög fari ekki að lögum er eintómt bull og það bull ætti enginn fréttamiðill sem er með réttlætiskennd að birta. "

" Kjördæmisfélag innan Frjálslynda flokksins fara eftir öllum lögum og reglum sem við eiga hverju sinni "

Varst þú á fámenna fundinum í Suðvesturkjördæmi, þar sem efstu menn voru ákveðnir ?

Ég var ekki þar því mér var sagt að fundurinn yrði afboðaður, síðar frétti ég að hann hefði verið haldinn. Ég hringdi í Guðjón og hann sagði að endurtaka þyrfti fundinn, síðar sagði hann að fundurinn hefði verið löglegur.

Ég veit ekki alveg hvað þú ert að vilja upp á dekk, varðandi þær fullyrðingar sem þú hér setur fram um ýmislegt, ekki í fyrsta skipti.

kv.Guðrún María.

[Ólafía Herborg (IP-tala skráð) 30.3.2009 kl. 21:50]

Hvað ég er að vilja upp á dekk er það að ég er í áhöfn með Guðjóni Arnari, Formanni frjálslynda flokksins. Ég var kosin í miðstjórn Frjállynda flokksins á síðasta landsþingi því sama og Ásgerður Jóna var kosin sem varaformaður en hún stóð ekki sína vakt nema níu daga eins og þér er kunnugt. Ef hún kunni ekki við starfsmenn flokksins hefði hún ekki átt að munstra sig í áhöfnina og stinga svo af vegna þess að hún fékk ekki allt sem hún vildi. Svo er ég sjálfstæð kona með sjálfstæðar skoðanir og vil einnig minna þig á þá staðreynd að það er málfrelsi í okkar ágæta landi.

Ólafía Herborg (IP-tala skráð) 30.3.2009

[Guðrún María Óskarsdóttir., 31.3.2009 kl. 00:45]

Fyrirgefðu, þótt þú sért nýkjörinn miðstjórnarmaður, og þess þá heldur hefði ég haldið að þú ætti að vanda orðaval og halda fullyrðingagleði í skefjum.

s.s.

"  Það og allt annað sem þessi fína frú segir er algjört bull ... "

Bullið er alla jafna eins og búmerang sem kemur til baka í fangið á viðkomandi.

Illindi og erjur í flokknum eiga sér skýringar og án efa munt þú komast að því fyrr en síðar hvar þeirra er helst að leita.

kv.Guðrún María.

[Kolbrún Stefánsdóttir, 31.3.2009 kl. 23:45]

Sæl Ólafía. Vel skrifaður pistill hjá þér. Velkomin í miðstjórn FF. Ég var líka kjörin í miðstjórn og vænti þess að við eigum eftir að eiga gott samstarf. Virðumst báðar ákveðnar konur með svipaðar skoðanir. Svoleiðis konur virða yfirleitt hvor aðra. Það er rétt hjá þér að þess var vandlega gætt að rétt væri boðað til fundarins sem listinn var ákveðinn þ.e. fyrstu 5 sætin. Menn geta alltaf deilt um hversu mikið og víða eigi að auglýsa en flestir félagsfundir eru auglýsir í málgangi flokksins sem er xf.is. Fundurinn var boðaður með margra daga fyrirvara eins og auðvelt er að sanna og síðan minnt á hann aftur daginn sem hann var. Þá sáu sumir hann fyrst auglýstan og eins og GMaría segir þá hringdi hún í formann kjörnefndar rétt fyrir fund og tilkynnti honum að fundurinn "væri" ólöglega boðaður. Hann sagðist hafa sagt að ef svo væri þá yrði hann boðaður aftur. Það var hinsvegar ekki raunin og því var fundurinn haldinn eins og lög gera ráð fyrir. Að láta sér detta í hug að fólk fari að taka áhættu á ólöglegum lista sýnir hvað  hinir sömu eru tilbúnir til að gera sjálfir. Auðvitað var það leiðinlegt að GMaría gat ekki mætt í það skiptið en það mættu þó nokkrir þrátt fyrir að Útsvarið væri að byrja í sjónvarpinu en fundurinn var kl 1800 á föstudagskvöldi. Ekki góður fundartími en ég held bara að fleiri hafi mætt en á kjördæmafundinn þegar GM var samþykkt í þriðja sæti í Suðurlandi.

Í dag var svo annar félagsfundur ,líka löglega boðaður bæði á xf.is og bloggi GMaríu ,þar sem listinn var samþykktur í heild sinni í nýju kosningahúsnæði okkar á Nýbýlavegi í Kópavogi   

Já hvað skyldu konur vera að vilja upp á dekk   skemmtileg spurning. Bestu kveðjur til ykkar Kolla.

[Guðrún María Óskarsdóttir., 1.4.2009 kl. 23:30]

Sæl Kolbrún.

Geta menn deilt um hversu mikið á að auglýsa fundi ?

Það finnst mér alveg nýtt, vegna þess að lög félaga kveða á um slíkt.

"

Þá sáu sumir hann fyrst auglýstan og eins og GMaría segir þá hringdi hún í formann kjörnefndar rétt fyrir fund og tilkynnti honum að fundurinn "væri" ólöglega boðaður. Hann sagðist hafa sagt að ef svo væri þá yrði hann boðaður aftur. Það var hinsvegar ekki raunin og því var fundurinn haldinn eins og lög gera ráð fyrir. 

"

Þetta er rangt, Pétur sagði við mig að hann myndi afboða fund þennan, þannig var það. Guðjón Arnar sagði við mig að endurtaka þyrfti fundinn, þ.e. fundinn þar sem ákveðin voru sæti 1-5.

Þér hlýtur að vera kunnugt um mætingu þar sem þú varst þarna Kolbrún.

Varðandi fundinn sem var í gær, þá var hann sérstaklega boðaður til þess að samþykkja hluta listans, frá 6-24 sætis, en ekki listans í heild að sjá mátti í auglysingunni.

" ..en ég held bara að fleiri hafi mætt en á kjördæmafundinn þegar GM var samþykkt í þriðja sæti í Suðurlandi. "

Já örugglega hafa verið miklu fleiri að samþykkja þig en mig, hjálpi mér allir heilagir....., halelúja.

[Kolbrún Stefánsdóttir, 1.4.2009 kl. 23:56]

Sæl GMaría. Lög félagsins eru þér vel kunnug og það var löglega staðið að fundinum hvað sem hver segir við þig eða þú við aðra. Þetta snýst ekki um mig eða þig enda veist þú líklega að ég stakk upp á öðrum kandidat í fyrsta sæti sem var gert þó það gengi ekki. Það er hálf dapurlegt að þú hafir ekki annað við krafta þína að gera en að brjóta niður og sverta starf flokksins sem þú hefur starfað ötullega fyrir í öll þau ár sem hans tilvera spannar ef  ég man orð þín rétt. Þessi ofuráhersla sem þú leggur á þennan fund vekur ýmsar spurningar en ég reikna ekki með að fá svar við því hvað það er sem angrar þig. Fundirnir hafa verið boðaðir á sama hátt og venja er, á heimasíðu flokksins XF.is með rúmlega löglegum fyrirvara. Hvernig boðaðir þú fundi þegar þú stýrðir kjördæmafélaginu? Auglýstir þú í Morgunblaðinu eða Fréttablaðinu eða hringdirðu bara í einhverja líklega til að koma? Hafi þeir lofað þér því Pétur og Guðjón að ógilda löglega boðaðan fund þá verður þú að eiga um það við þá og ég tek bara undir við þig, hjálpi þér allir heilagir. Besta kveðja Kolbrún.

[Guðrún María Óskarsdóttir., 3.4.2009 kl. 01:17]

Sæl einu sinni enn Kolbrún.

Hvernig ætti ég að vita hvað fór fram á fundi sem mér sem flokksmanni í kjördæminu var tjáð að yrði afboðaður, vegna þess hve seint og illa var hægt að sjá um hann upplýsingar ?

Það skiptir engu máli hvar eða hver heldur fund í einum stjórnmálaflokki, það á að vera hægt að standa rétt að málum, þannig að hinn almenni flokksmaður viti af fundum.

Ég myndi nú segja að þessi bloggsíða sæi um það atriði að sverta starf flokksins, og rífa niður allra handa, ef eitthvað er.

[Páll A. Þorgeirsson (IP-tala skráð) 3.4.2009 kl. 17:45]

Auglýstir fundir eða ekki auglýstir fundir.

Ekki eru nú vandamálin "stór" hjá ykkur í Frjálslyndum  Stelpur mínar hvernig væri að ráða auglýsingastjóra eða sáttasemjara     svona "auglýsingar" draga nú ekki til ykkar atkvæðin  

[Guðrún María Óskarsdóttir., 4.4.2009 kl. 00:08]

Sæl Kolbrún.

Það fer ekki vel að vitna í lög í þessu sambandi því lög kveða á um auglýsingar meðal annars, og hversu vel svo sem mönnum hentar að hafa hlutina svona eða hinsegin, þá er það annaðhvort klaufaskapur þeirra er sjá um heimasíðu flokksins ellegar aðila er standa að fundarboðun, hvernig framkvæmd mála var þarna.

Ég veit ekkert um hverjum þú stakkst upp á hvar eða hvenær því eins og ég hef margsagt þá fékk ég að vita að fundur yrði afboðaður.

Vegna þess kom ég ekki á fund þennan sem flokksmaður og svo hlýtur að hafa verið um fleiri.

Ég kvartaði við formann flokksins og fékk þau svör að það þyrfti að endurtaka fundinn.

Síðari fundur ykkar fjallaði aðeins um sæti 6-24, og fyrri fundur því ekki endurtekinn.

Þér er velkomið að halda öðru fram eins lengi og þú vilt en hafa skal það sem sannara reynist í þessu sambandi.

kv.Guðrún María.